Carlin Porta/Dariera neuit ëd l'ani

Da Wikisource.
Jump to navigation Jump to search

Artorn


Armus-ciand ant ij vej papé ëd pì ’d vint’ani fà, e sente le brute neuve dij dij, man e brass volà a n’aria am ven da pensé che ij temp a son ancor nen cambià. Pensé che la neuit a l'é n'afé motobin anciarmanta.

Dariera neuit ëd l’ani[modifiché]

I l’avrìa vorsù seurte, sta neuit,
për saluté tute le neuve stèile
e ’ncaminé a scrive ’l prim feuj bianch
d’un lìber alégher, sensa gnun tìtoj.

A l’era n’anvija sensa pretèise,
franch për ringrassié ’d cheur ël Bon Nosgnor
ëd tute le giornà portà a bon fin,
ma ’dcò ciameje agiut për cole neuve.

Ma la mòda giumai a l’é cambià
con ëd nuité ch’as fan padron
dë stra pijand ëd brut lòn ch’a l’é la pas comun-a.

Subi e s-ciòp ëd fusëtte e mortarèt
a l’han rablame con la gent an guèra,
bin fongà an cost pensé malgrassios:
un creus magon a l’ha sesime dlongh.