Carlin Porta/Colomba 'd pas
Colomba 'd pas
[modifiché]Chissà lòn ch’a porterà ’d bel ël vòl
meusi e dasiant ëd la veja colomba
ch’a ven a sopaté j’ale ’d boneur
su la ment ëd j’òm ch’a susto la bin.
Vòl d’un passage amusant con n’ambrass
ch’a daga ’l sentor ëd na neuva vita
fàita ’d na bin che minca tant a manca
ant ij moment bolversà dal trafen.
Bela colomba bianca, cand ch’it vòle
dësgenà e libera su ij pais:
fà che toa ombra a no benedissa.
Noi, pòvri pelegrin, beicand-te ’n vòl,
s’i savroma cheuje tò bon messagi:
podroma andé bianes për nòstr senté.