Buf ëf vent al lagh d'Arpy[modifiché]

L’eva dël lagh a smijava na crësta
ëd pasta sfeuja bufà dal frèid vent sël fil trasparent
che ’nt sò verd ciàir ampërmuvà da j’erbo dj’anviron a lassa vëdde
tut lòn bel che la ment ëd l’òm a s-ciàira.

Nìvole grise a rivo s-ciassandse un-a con l’àutra
sensa përdon
tant coma as ciamèisso an ciambrea santa
për dëscarié
lussa ’d lerme a pro dl’umanità.

I lasso ’l temp
ch’as lassa andé lìber da le caden-e
a fé sò temp
e sensa sagrin, i faso mè temp.