Ël temp[modifiché]

Ël temp còsa a l’é?
Ël temp a l’é dné
o ’l temp a l’é vita
da gòde d’amblé
su për ij senté
dla vita ch’a scor
sensa cita sosta
anver l’orisont
infinì d’un seugn
ch’as sà nen l’achit
o bele ciapesse
a ’n termo bin dru
ch’a sponta da tèra,
dont tòst arambesse
për gòde cost temp
ch’a scor sensa temp?
Ël temp a l’é ’l temp
da pijé com ch’a ven,
che antant për cambielo...
ël temp fà nen temp.