Canson/Sota ij pont dël Pò

Da Wikisource.
Jump to navigation Jump to search

Artorn


Sota ij pont dël Pò[modifiché]

Col gran farfoj ëd Cupido l’è pròpi ‘n satanàss:
s’antrufola andrinta la barca e an pòrta a spass.
O-oh, là sota ij pont dël Pò.

L’amor ant l’esistensa a nass an libertà,
l’è ‘n fior dla providensa ch’a sbòcia ad ògni età.
O-oh, là sota ij pont dël Pò.

Rit.: Là sota ij pont dël Po’,

an barca con na cita,
pì bela a l’è la vita
s’a j’è ‘n frisin d’amor.

Là sota ij pont dël Pò
se peuj a j’è la lun-a,
ch’a sìa bionda o brun-a
l’è bel a desse ‘d basin.

As fa per divertisse, per dësmentiè ij sagrin,
per sospirè e peuj disse: “Madlen-a, mi ‘t veuj bin.”
O-oh, là sota ij pont dël Pò.

S’i fùissa na cicògna, podeissa ‘n dì volè,
l’avrìa nen vergògna d’andete a basotè.
O-oh, là sota ij pont dël Pò.

Rit.

O-oh, o-oh, là sota ij pont dël Pò…
O-oh, o-oh, dame ‘n basin d’amor.