Canson/Pelerin ch'a ven-o da San Giaco
Pelerin ch'a ven-o da San Giaco
[modifiché](Piasco, Val Varàita)
Pelerin ch'a ven-o da San Giaco,
Pelerin ch'a ven-o da San Giaco,
ven-o da San Giaco a pié 'l përdon, Carolin-a bela,
ven-o da San Giaco a pié 'l përdon, Carolin-a bela a torn.
Son rivà da madama l'òsta
son rivà da madama l'òsta,
për prontesse cheicòs bon Carolin-a bela,
për prontesse cheicòs bon Carolin-a bela a torn.
L'ha prontaje na toma grassa,
l'ha prontaje na toma grassa,
l' han bërlicaje findi 'l tond Carolin-a bela,
l'han bërlicaje findi 'l tond Carolin-a bela a torn.
Calo giù con soe scarpasse,
calo giù con soe scarpasse, tute pien-e dij brocon,
Carolin-a bela tute pien-e dij brocon,
Carolin-a bela a torn.
Calo giù con soe scufiasse,
calo giù con soe scufiasse,
con la reusa sota 'l menton Carolin-a bela,
con la reusa sota 'l menton Carolin-a bela a torn.
Calo giù con el sialèt a ponta,
calo giù con el sialèt a ponta,
camisa bianca pien-a 'd boton Carolin-a bela,
camisa bianca pien-a 'd boton Carolin-a bela a torn.
Calo giù con soe cabasse,.
calo giù con soe cabasse
e con tuti ij fàudalon Carolin-a bela,
e con tuti ij fàudalon Carolin-a bela a torn.
Pelerin ch' a ven-o da San Giaco,
Pelerin ch'a ven-o da San Giaco,
ven-o da San Giaco a pié 'l perdon, Carolin-a bela,
ven-o da San Giaco a pié 'l perdon,
Carolin-a bela a torn".