Canson/La biondin-a dla Val San Martin
La biondin-a dla Val San Martin[modifiché]
Bela biondin-a dla Val San Martin,
còsa ch’i veule per deme ‘n basin?
Basin ëd simpatìa l’è pà bochèt da vende:
pì tanti i lo pretende, pì pòchi iv lo darìa!
L’è nen parèj ch’as marcando ij basin
con le biondin-e dla Val San Martin.
Mi iv porterai na vesta e ‘n faudalin da festa,
na siarpa e n’anelin, bela biondin-a dla V.S.M.
Fin tant ch’im guèrno onesta, con la mia coefa ‘n testa,
mia vesta a rigadin, son pì soagnà che le tòte ‘d Turin!
L’è nen parèj…
S’i veule avèj la dòta, mi iv compro na casòta,
soa tòpia e so giardin, bela biondin-a dla V.S.M.
Na franca paisanòta as maria sensa dòta,
ne tòpia, ne giardin, sensa lë spos ch’a jë staga davzin!
L’è nen parèj…
E mi iv ciamërai da sposa, biondin-a caprissiosa,
dal parco ‘d San Martin,
ma veuj che prima im regale ‘n basin!
Da pòsto ch’im cimente, vniv-lo a pijè s’iv sente
che mi iv lo dagh per gnente, basta ch’im veule bin!
L’è per parèj ch’as mercando ij basin
con le biondin-e dla Val San Martin!