Canson/Bondì, mia Turin
< Canson
Bondì, mia Turin
[modifiché]Bondì, mia bela Turin,
bondì a tuta toa gent.
Stassèira al tò Valentin
mi i torno: mi i son tant content!
Vëdrai col sò moscardin
le tòte ch’a bruso d’amor.
Mi i sentirai ciosonè da davzin:
“Mi it veuj tant bin…”
Mentre ‘l mè cheur am dirà pian pianin:
“Costa a l’è toa Turin!”
Un basin, un basotin ch’a brusa
con ël sol o con la lun-a,
con la pieuva o con ël vènt
l’oma tuti ‘l cheur content!
L’è neuit, mia bela Turin,
ma ti it ses tut në splendor.
S’i penso a coi ani ‘d sagrin
I pioro ëd gòj e ‘d dolor.
Lontan i vivìa da ti:
oh, mama, che freid al mè cheur!
T’am dise ‘ncora: “It ses sempre ‘n citin!”
“Mi it veuj tant bin…”
E sto citin ‘t sarà sempre davzin
sì an toa bela Turin.
Un basin…