Canson/Amor fedel

Da Wikisource.
Jump to navigation Jump to search

Artorn


Amor fedel (La rondolin-a 'ndiscreta)[modifiché]

Mi i son la rondolin-a d'amor, volerìa su la montagna, volerìa su la montagna per andeme a riposé.

Se voi feve la rondolin-a d'amor, mi i faso 'l cassador, mi i faso 'l cassador per andeve a ricassé.

Se voi feve 'l cassador d'amor, mi i fareu la monighéta, mi i fareu la monigheta, andareu 'ndrinta al convent.

Se voi feve la monigheta d'amor, mi i faso 'l fratocino, mi i faso 'l fratocino per andeve a confessé.

Se voi feve 'l fratocino d'amor, mi i faso la malavia, mi i faso la malavia per nen podèive parlé.

Se voi feve la malavia d'amor, mi i faso 'l medichino, mi i faso 'l medichino per andeve a mediché.

Se voi feve 'l medichino d'amor, mi i faso la mortèja, mi i faso la mortèja per nen podèive parlé.

Se voi feve la mortèja d'amor, e mi i fareu la tomba, e mi i fareu la tomba, l'è per podèive ambrassé.