Bianca Dorato/Lòdna

Da Wikisource.
Jump to navigation Jump to search

Artorn


Lòdna[modifiché]

Përchè l'invern a l'ha cudì 'nt la fàuda
scura dla tèra costa smens ëd lus
che ora a possa al rivé dël temp novel;
përchè 'l silensi a l'ha cudì 'l chërsent
vej ëd sa vos che an mi as arvìa e a canta,
- mi, mota grisa! e am arviron-o 'l bëcche,
reu giovent ëd la gòj; e tut ël camp,
che ora i chito, a mè sgarì a fioriss -
përchè l'Amor che a ten ël cel am visa,
sola im anandio e im levo sla rajà
bela dla lus che am ciama e am bat ant l'ala.