Bianca Dorato/Frisson

Da Wikisource.
Jump to navigation Jump to search

Artorn


Frisson[modifiché]

A l'ha nen geilà staneuit
sël senté 'd fiòca neirastra
e la riva speuja a sent
d'arbeuj ëd tèra mojissa.

Na vira ancora im anàndio
a sërché le pianà veje,
le goje fërme 'nté a gita
adasi 'l cel dla primalba.

E 'l biole nùe, compagne
reveuse, ciuto, an durmianda
a sento alvesse l'antica
vos, e a frisson-o ant l'ëscur.