Bianca Dorato/Còl

Da Wikisource.

Artorn


Còl[modifiché]

Nen àutr che pòca fiòca
mugià sei còl - e tut
a l'anviron mi i diso
le becche e le valade
minca 'n nòm coma spluva
che 'nt l'anima as anvisca,
minca 'n nòm a ciamé
vers rochere daleugne
e vos e bèich ansema
'nt èl pi daleugn sfrandà

E mach silensi e azur
belessì 'nté ch'i ston
sbalucà 'nt la s-ciandor
e ij brin d'erba che '1 vent
a vest ed giassa e 'd lus.