Bianca Barbero/Rondel dossamer

Da Wikisource.

Artorn


Rondel dossamèr[modifiché]

Ant la sèira sensa stèile
mè magon i pioro al vent...
bruso j'euj sot le parpèile...
pioro, adess, che gnun am sent...

Ant la neuit tant frèida e scura
lassù l'erbo a sfersa 'l vent;
'dcò mè cheur a l'ha paura,
mè cheur pioura e gnun lo sent.

Ant la sèira sensa stèile
oèisa tant eufre 'l përdon...
bruso j'euj sot le parpèile...
piora 'l cheur ël sò magon

ant la sèira sensa stèile.