Antonio Tavella/Oh quand la ciòca

Da Wikisource.
Jump to navigation Jump to search

Artorn


Oh quand la ciòca[modifiché]

... "Grinnho lou picatas dariè d'ën fraise, / un chan
sinholo a Gabliel quë volo / la chocco testaneo: "Chan
e sarvan"...
Antonio Bodrero (Barba Tòni), poesia "Quaro la chocco,,,"
(v. 9-11).

Òh, quand la ciòca, quand
la ciòca...
Alé, ël di a l'é àut. Un picatass a canta
(o a gnigna), bin stërma (as sà mai, as sà mai)
daré 'n frasso. Lì a-i era 'l regn dij sarvan na vòta,
la gigia gent dla vàuda... e 'd ti, e d mi... pa sempre...
Òh, quand la ciòca, quand
la ciòca...
I chërdìa mi 'nlora d'essi nà si da fieul
ëd la galin-a bianca. Ënt la stanca dël di
l'amor l'é pa polenta, e 'l sol l'é sempre 'l sol.
I sèrch na branca d'ombra për fërmé-me a arcordé
magara
na riva rossa d'àmpole o 'd busson d'artesin,
Na manera a l'é 'd vivi
cò costa,
Òh, quand la ciòca, quand
la ciòca...
Un can, giache, a signola daré 'd Bielin che vòla
(o a chièl, o a la comëtta),
o a chièl, o a Tòni, o Giaco, a l'é peui tut l' istess.
Ël biàut a l'é curtòt e a riva da si ròch
donda che 'ncora as sent la canson ëd la ciòca...
na vos ëd cel, l'é bel
ël seugn, ël can, ël vòli ëd Bielin... e ij sarvan...
Òh, quand la ciòca, quand
la ciòca...
Ij sarvan?, un mond scòst, e 'l vòli a l'éslinguà
'nt ël nen
con ij somà... e ij vòli... Òh, quand la ciòca, quand