Anna Maria Rimondotto/Vòl ëd lë Spirit Sant

Da Wikisource.
Jump to navigation Jump to search

Artorn


Vòl ëd lë Spirit Sant[modifiché]

Ancheuj i pijo la piuma an man
tùit ij pensé a fan soa bataja
sij gest dël cheur sarà strèit ant na maja
’ntërsà dai di che a un a un a van,
për pituré la lus ëd j’emossion
mach toe paròle a l’han le tisòire
për tiré via dal fond tut lòn che ’m toira
sërcand ant le rijade ël cavion,
neuv l’arcancel am ìndica la via
la stra dij bianch giassé lusent ëd fòrsa
e la dansa dle fior ch’a biàuto al vent,
sguard al farchèt ch’a sbat j’ale content
a l’ha ’l coragi ëd fërmé soa corsa,
s’un sofi vorèj bin lassand ch’a sia.

Ters Premi al Concors «Piemont ch’a scriv» 2019