Anna Maria Rimondotto/Ancontr

Artorn

---

Ancontr

A l’é tròp bel, dòp tant ëspeté, na fior
dëscheurve sël fil sùtil ëd la giassa
dël mè cheur, përfum doss ëd pas ch’a lassa

andé un sospir ciàir ëd color.
Ant ël vërsant ëscur ëd mè dolor
la fatiga a na speransa a s’ambrassa,

lassand che la veuja ’d vive a nassa
làver as deurvo al prim ragg ëd calor.
Am basto doe paròle e un soris,

quasi ’l vòl alégher ëd n’osel,
për ëscancelé prest da la ment ël gris,
tut për mè euj, slë sfond rident dël cel,

lë sguard profond e ciàir d’un mè amis
as pòsa adasi slë speté ’ma un vel.