Anònim/La bergera fidela

Da Wikisource.
Jump to navigation Jump to search

Artorn a la Tàula


A l’ombreta dël busson

bela bërgera l’é ‘ndurmìa
i é da lì passé tre zolì fransé
j’han bin dije bela bërgera
voi j'avì la frev!

E se voi j'avì la frev
faroma fé na covertura.
Con ël mè mantel ch’a l’é così bel
faroma fé na covertura
passerà la frev.

E la bela j’ha rëspondù:
"Gentil galant fé vòsti viagi!
E lasseme sté con ël mè bërgé
che al son de la soa viòla
am farà dansé!"

Ël bërgé, sentand lolì,
l’é sautà fòra da la baraca!
Con viòla ‘n man s’é butà a soné
a l'han pijà la bela bërgera
l’han fala dansé!

[1]Varda ‘n pòch com a bala bin
bela bërgera l’è tan grassiosa!
Chila a àussa ij pé, fa bogé ‘l daré
chila a bala la soa corenta
col sò bel bërgé.

Nòte[modifiché]

  1. an chèich version moderna a-i é 'dcò sta gionta dla stròfa sinch, ch'a smija pa vàire original pr'ëd rason lenghìstiche e stilìstiche.