Alfredo Nicola/Doi mandolin

Artorn

---

Doi mandolin

Doi mandolin, na froja e na mandòla
- ël quartèt a pitaca ’d mè papà -
lassà j’afé, ’s dasìo la paròla
e a j’ero minca sèira a nostra ca.
Ant l’àutra stansa mi plucava già
dòp ël travaj – prima mignin – dë scòla,
e sugnava ’d patlé cole masnà
ch’am ciamavo Nicòla pansa mòla...
Da para al lum, mia mama, ch’a cusìa,
s’aussava ’d vire, ciuto, a vërsé ’d vin
o a ’mbajé l’uss për vëdde s’i durmìa.
Damentre ij quatr magìster dël cantin,
desendije ’ndrinta sensa economìa,
gratavo ’l so «Poeta e contadin».

Da Samada 1982