Alessandro Griffa/A Costan Signor ëd l'alp

Artorn

---

A Costan Signor ëd l'alp

("sle pì àute sime dij mont a l'han ca
ij dé 'd lus" Anònim elenìstich, III sec.)
("dzora le sime ëd l'alp i vorìa score
e l'aquila fiamenga arciamé..." F. Holderlin)

Costan, che con ël largh gest ëd toa man
ël cel it cheuje, e ant j'euj popolà
d'aquile, 'd lus ramà, t'has ëstërmà
ël rifless dij giassé, òm fier, Costan,

ti it na rije fòrt dla gent d"el pian,
ti, dòmine splendrient dij pì àut prà,
bërgé 'd nìvole e 'd vaces sj'alp lontan:
vaces celesti, e cen, e mul steilà-

E cand che ti 't l'has finì toa giornà
dal travaj it pòse sensa magon,
e 'l sol ch'as perd për lontananse slà

për ti, che con tò pass, it torne a ca
a l'é ël breu d'autin ch'a fa 'l sangh bon
(e giacché!), e 'l reu dla stuva 'nt ël canton.

Morinèis dë Stròp (Ảuta Val Màira).