Albino Barrel/La corenta 'd Sampeyre
La corenta 'd Sampeyre[modifiché]
Con la viòla dij bòrgno,
ël pìfer e l’organèt
la corenta stà për nasse,
or a taco a soné.
Campo l’euj su Teresin-a,
con n’uciada birichin
am fà capì
ch’a veul balé.
Mi la ciapo për la vita
chila as taca da daré
vzin e seuli s’anviaroma
con le cobie për taché.
Peui giroma
brancà s-ciass
chila a rij ma a l’ha la tëmma
che la còta a s’aussa tròp.
N’àutra gira peui doi pass,
n’àutra virà e peui ’l balèt.
Mersì cara Teresin-a
son sentume pèj d’un fiolèt.