Albina Malerba/Lun-a

Lun-a

Leit motiv ëd soa vita a l’é cola colin-a ch’a ten sò cheur-lun-a ampicà an sla ponta. Parèj, ant la giòstra dj’ani, j’arcòrd a danso a lë scur: la lun-a (sò cheur) a l’é fërmasse là, ansima a cola colin-a rossa e rionda.

Ancheuj a l’é ‘l di
dij pciti disegn ‘nmascà
fij lijam caden-e a torno
e a artorno
ant ël vir-a-vir dla giòstra
ligne-temp ‘d na dansa
sensa lun-a

La lun-a a l’é mè cheur
‘mpicà sla colin-a
gròssa e rionda rossa
ant lë scur
dla montà dël Castel