Agostino Bosco/Sonèt II

Artorn

---

Sonèt II

"Testimoniales, giustissia, galera!
Sgnor Giùdisse, galera! A mi han robà!
Ch' fassa 'r piasì, co ven-a mach sì 'ant r'era,
Co r'entra sì 'nt gioch, a m' r' han spacià!".

"Spaciave o gioch? O Barbagioan sgrassià!
Spacieve o gioch? E costa ai ra manera?
Se s'vnomo da 'ntajé chi a r'é stà,
Giur sur costitussion, han da paghera!

Or dine an pò, com é-lo andà sossì?"
"Mi seu ch'a m'han barbame fina 'r gal,
Ch' n' heu mach pì una, e ch' ora varda sì".

"S'a-i n'é 'ncor una, l'é 'ncor manco mal,
La piomo 'n pò dagià ch' a l'é così,
Ch'omo da esamiinela an tribunal".