Walter Curreli/Crònaca

Da Wikisource.
Jump to navigation Jump to search

Artorn


Crònaca[modifiché]

A j'éra scrìt an sël giornal da stàmatin.
Tale Botal Pierino, manovale è deceduto in un incidente
sul lavoro.
Manovàl, e va bin, son nèn fòrse n'òmo come j'autri?
An dì a l'han ciamame, a l'han dame 'n fusij, e via
a la fam, al frèid, e a la paura, ma sempre avanti fin-a
a là fìn, dai Pierin.
E la fìn posà al fusij a l'é stame la fam, e al frèid, e
torna manoval.
An tal Quaranta, torna ora, al solit fusij, la sòlita
fam, e ancora tanta paura, su e giù për le montagne, con
i «plufèr» d'après.
E a là fin, posà al fusij ancora fam, frèid, e sempre
manoval.
Scioperi, batàje, sensa fusij, për n'ideal, fam, bòte
galera.
A j'era però na promëssa, un dì saroma tutì ugual, e son
ancorzumne com a l'é staìt vera, a j'éra scrit an sël
giornal.
E morto in un incidente sul lavoro tale Botal Pierino
«Manovale».