Giovanni Cerutti/Canson/Quand ch'i j'ero a Pampalù
QUAND CH’I J’ERO A PAMPALÙ
[modifiché]Pampalù era un forte militare (oggi dismesso), che si trovava nella frazione di Seghino Superiore, Comune di Mompantero (Provincia di Torino) in Valle di Susa, all’imbocco della Valle Cenischia.
Quand ch’i j’ero a Pampalù, quand ch’i j’ero a Pampalù al ciàir dla lun-a (òh, òh, òh),
l’oma vist da sota 'n su, l’oma vist da sota 'n su 'na bela brun-a (òh, òh, òh).
L’oma dije con rispet, l’oma dije con rispet: “Che bela cita!;
chila a l’é pròpi 'n sarzèt, chila a l’é pròpi 'n sarzèt che 'l cheur anvita”.
La brunassa scansonà, la brunassa scansonà l’é piasse a rije,
ant ij pra a l’é robatà, ant ij pra a l’é robatà an mes 'd j’urtije.
Soma andala a ramassé, soma andala a ramassé tuti d’acòrdi,
ma 'l cagnass dël giardiné, ma 'l cagnass dël giardiné a ven për mòrdi.
Tomalin ël pì davzin, Tomalin ël pì davzin a l’ha ambrassala,
a l’ha tiraje ij rissolin, a l’ha tiraje ij rissolin e a l’ha basala.
Rossa dla dichiarassion, rossa dla dichiarassion la pòvra fija,
a l’é vnuje 'n gròss magon, a l’é vnuje 'n gròss magon: a l’é scapà via!