Rino Serra/Silensi

Artorn

---

Silensi

Silensi...
Doa a sbat tò arbomb?

Coma arson leugn
A crija ‘n mia ment
Filtrand boschin-e
D’erbo primordiaj;
Toa vos
Feris combe d’antan
Coma dard sagnant
Intra ‘n mè cheur
Tutun...
Con dossa armonìa.

Silensi...
Doa a sbat tò arbomb?

Ël crij dl’arson
Silensios e s-cet
Sombre e nuitere vaj
A va sërcand;
Da mar an mar
Lë s-cionf ëd j’onde
A arcassa, e ...
Pì potent che mai
Torna a mia ment.

Silensi...
Doa a sbat tò arbomb?

Cand j’ore dël cioché
Con ëspiln arbato,
L’arson bin leugn
As perdo ‘nt l’ànima mia,
La ment nebiosa
An cola ‘rmonìa
Regna maestosa
Vira sovran-a
Ant un silensi ‘d lun-a.

Silensi...
Doa sbat tò arbomb?