Valter Bellando/Savor ëd tèra
Savor ëd tèra[modifiché]
La Conta[modifiché]
"La stòria a l'é bela a fà piasì contela, veuli che it la conto?". Mi i dirìa "si", ma mia granda a riìja e am disìa: "A vënta nen dì sì, përchè la stòria a l'é bela e fà piasì contela, veuli che it la conto?". Mi, disperà i-j disìa "no", ma chila am ripetìa: "A vënta nen dì nò përchè la stòria a l'é bela...".
Cola ch'a l'era la stòria? Adess i lo sai: a l'era soa stòria, cola dij nòstri vej scrita con le sape e le vanghe, con ij rastej e 'l sudor ansima ij camp ëd melia e 'd patate dzora la tèra sëcca brusà dal sol.
A l'é costa la stòria e "a fënta nen di 'no'" per nen arneghela e gnanca "sì" për pa portela vìa, përchjè a l'é nen scrita dzora ij lìber ma andrinta al cheur dij nòstri vej.