Pinuccia Gamba/Montagne 'd téra e 'd cel

Da Wikisource.
Jump to navigation Jump to search

Artorn


Montagne 'd téra e 'd cel[modifiché]

Sla sima... un pin
e peui... ancora
a fé da colié a la montagna
dal cheur ëd pera...

ròch e rochere
sla sima coma al pian...
rèis e ròche a spartì la vita
con l’eva dël fium...

peui ’l cel!
Tròp àut për savèj dì
s’a son ëd nìvole
o bin, montagne creuse

cole ch’as perdo ’nt l’infinì...
montagne ’d tèra e ’d cel!
combin che coste a fongo
soe rèis ant la tèra,
coma j’àutre,
a ciucio ’l làit bleussiel.