Pinin Pacòt/A l'ombra dël Tocol

Da Wikisource.
Jump to navigation Jump to search

Pinin Pacòt


A l’ombra dël tocol[modifiché]

Tschai Gabre Mariam
a l’é setà tut sol
a l’ombra dël tocol
e a baja pian ëd fam

An fila contra ’l sol
le fije ’d Giam Giam
dai bej rifless d’aram
cantand a passo. Oh, col

che gran boneur sarìa!
L’avèissa un sach d’argent
un paira a na catrìa.

A seugna e a l’é content
ëd pì nen deurme sol
la neuit ant ël tocol.