Pier Natale Guerci/Torné masnà

Da Wikisource.
Jump to navigation Jump to search

Artorn


Torné masnà[modifiché]

Torné për na vòlta masnà
për ambrassé ij mè vej ch'a son dë dlà
e sente cole conte ch'a son siglà
ant ël cheur quand j'era masnà.

Podèj sente ancora cole veje canson
ch'as cantavo ant lë stale
e ij giovo a giugavo a scandon
e së stërmavo darera le bale.

Podèj sente l'arciam ëd le ciòche
soné baudëtta për arcordé a la gent
ch'a venta preghé con sentiment,
e sente an gesia col ciadel ëd le sòche.

Podèj ancora andé ant ij pra
a cheuje le violëtte e sporzije a le tòte
e bèive col bon vin ch'a-i era ant le cròte,
e, la sèira, canté ant le contrà.

Come a sarìa bel, për na vòlta, torné masnà.