Michela Grosso/Nivole

Da Wikisource.
Jump to navigation Jump to search

Artorn


Nivole[modifiché]

Nìvole rosse
samblo ’nt ël cel n’autar
d’orassion e dolor
che ’l mond a spòrz,
’me un sacrifissi, a Dé,
dzor le carzà sanglante
dle tante bataje dla gent.

Nìvole nèire
së slargo a mesaneuit,
s-ciasse d’imprecassion,
përgne d’arvòlta
contra ’l destin,
mace ch’a colo ’l sign
dle rabie e dij rancor dël mond.

Bintòst un ragg ëd lun-a
a dësbla cost ross e cost nèir
e ’l cel, ch’a furmiola dë stèile,
arson-a Toa glòria, Nosgnor.