Mario Giai/Un mond ëd fratel

Artorn

---

Un mond ëd fratej

Sensa confin, bariere né cancej,
senza përzon, né guardie ch'a 'nmanëtto
sensa tirann, ch'a dòmino e sot-mëtto
a val la pen-a gòd.se ij dì pì bej!

strenze le man ëd frej d'un àutr color
sensa peui rissé 'l nas s'a son nen bianch,
ma 'ndé con amicissia 'nsema a lor
cantand e sotbrassëtta, fianch a fianch.

Sensa bësbij, s'a parla 'l frel, divers!
Sensa trové da dì, se d'àutre tère!
Sensa parlé 'd canon, fusij o 'd guère
tut për trové l'acòrdi, 'nt l'Univers!

As varda pa, lassù, 'l color dla pel!
Tut midem për Dé, pa 'd diferensa.
Tut a l'é imparsialità, pa 'd preferensa,
contut, mach la bontà a deurb l'uss dël Cel!