La Bibia piemontèisa/Testament Vej/Salm/Salm 97

←Salm 96

La Bibia piemontèisa Ij Salm

Salm 98→

97. Nosgnor a l’é Rè, la tèra as n’arlegra

La Bìbia piemontèisa - Salm 097

Ël Salmista a pitura Nosgnor coma ‘l rè giust e sovran dël mond ch’a ven anans an soa glòria për rende giustissia ai sò dë 'dnans a coj ch’a-j son nemis.

¹Nosgnor a l’é Rè, la tèra as n’arlegra! Che fin-a le tère pì da leugn^[1] a n’argiojisso! ²Ëd nivole fiosche a-j ëstan dantorn; drit e giustissia a sostnisso sò tròno. ³Da ‘dnans ëd chiel un feu a-j va anans e a brusa tùit ij sò nemis. ⁴Soe lòsne a 'nlùmino l’univers. La tèra a lo vëdd e a l’é ciapà da lë sparm. ⁵Le montagne a së slingo tanme ‘d sira dë 'dnans a Nosgnor, dë 'dnans al Signor ëd tuta la tera. ⁶Ël cel a proclama soa giustissia e tùit ij pòpoj a miro soa glòria. ⁷Ch’a n’àbio onta tuti j’idolatra, ch’as vanto ‘d divinità ch’a son nen; tùit ij dé a l’han da tombé a tèra^[2] dë 'dnans ëd Chiel! ⁸Gerusalem^[3] as n’arlegra a sente sossì; a son an festa le sità ‘d Giuda për motiv ëd toa giustissia, Nosgnor! ⁹Përchè ti ‘t ses Nosgnor, ël Pì-àut dzora 'd tuta la tèra. Ti ’t ses esaltà dzora tùit ij dé. ¹⁰Vojàutri ch’i veule bin a Nosgnor, i l’eve an ghignon ël mal. A l’é chiel ch’a goerna la vita ‘d coj ch’a-j son fedej e ch’a-j libera da le man dj’ingiust. ¹¹La lus a sponta pr’ ij giust, e la gòj për coj ch’a son drit ëd cheur. ¹²Che tùit ij giust a s’arlergro an Nosgnor e ch’a làudo sò nòm sant!

Nòte

1. O “j’ìsole”.
2. O “prosternesse”.
3. O “Sion”