La Bibia piemontèisa/Testament Vej/Cronache/1Cronache 25
1 Crònache[modifiché]
25[modifiché]
Ij dovej dij musicant[modifiché]
1E David e ij cap dl'armeja a l'han selessionà për ël servissi, an tra ij fieuj d'Asaf e d'Eman e 'd Jedoton che a profetisavo e as compagnavo con l'arpa, con salteri, e con cìmbali. E costì a l'é 'l nùmer ed coj che a l'ero ancaricà 'd cost ministeri.
2Dla famija d'Asaf: Zacor, Josef, Netanià e Asarela. Ij fieuj d'Asaf a salmodiavo cant profétich sota la man ëd diression dël pare, che a profetisava sota la supervision dël re[1]. 3Dla famija 'd Jedoton: ij sò fieuj Gedalia, Zeri, Jesaia, Casabia e Matitia, ses an tut, përchè a stasio sota la dzoravision ëd sò pare Jedoton con d'arpe për profetisé, ringrassié e preghé Nosgnor. 4Dla famija d'Eman: ij so fieuj Bochia, Matania, Usiel, Sebuel, Jeremòt, Anania, Anani, Eliata, Ghidalti, Romamtieser, Josbecassa, Malòti, Otir, Macasiòt. 5Tuti costi-sì a l'ero fieuj d'Eman, profeta[2] dël re përchè Dé a l’av’a onoralo con quatòrdes fieuj e tre fije.
6Tuti sti òm-sì, quand ch’a fasìo mùsica ant la cà ‘d Nosgnor, a l’ero sota la diression dij sò pare. Soe responsabilità a comprendìa ‘l son dij cìmbali, dij salteri e dle lire, al servissi dël Templ ëd De. Asaf, Jedoton, Eman a rendìo cont ëd sò travaj dirèt al rè. 7Lor e soe famije a l’ero stàit adestrà a fé mùsica ‘dnans a Nosgnor, e minca un ëd lor, 288 an tut, a l’era ‘n musicista espert[3]. 8Ij musicista a l’ero sernù për fé ij sò torn ëd servissi con un sortegg sacrà, sensa consideré s’a fusso giovo o ansian, magister o scolé.
9Ël prim che a l'é tocaje la sòrt a l'era stait Josef d'Asaf. Lë scond a l'é stait Gedaliau, con ij sò fieuj e sò frej che a l'ero dódes. 10Ël ters Zacur; con sò fieuj e parent, dódes an tut. 11Ël quart: Isri; con sò fieuj e parent, dódes an tut. 12Ël quint: Netaniau; con sò fieuj e parent, dódes an tut. 13Ël sest: Bochia; con sò fieuj e parent, dódes an tut. 14Ël sétim: Jesarela; con sò fieuj e parent, dódes an tut. 15Ch'a fà eut a l'é stait Jesaia; con sò fieuj e parent, dódes an tut. 16Ch'a fà neuv a l'é stait Matania; con sò fieuj e parent, dódes an tut. 17Ch'a fà des a l'é stait Simei; con sò fieuj e parent, dódes an tut. 18Ch'a fà óndes: a l'é stait Asarel; con sò fieuj e parent, dódes an tut. 19Ch'a fà dodes: a l'é stait Casabia; con sò fieuj e parent, an tut. 20Ch'a fa tërdes: a l'é stait Sobael; con sò fieuj e parent, dódes an tut. 21Ch'a fà quatòrdes: a l'é stait Matitia; con sò fieuj e parent, dódes an tut. 22Ch'a fà quindes: a l'é stait Jeremòt; con sò fieuj e parent, dódes an tut. 23Ch'a fà sëddes: a l'é stait Anania; con sò fieuj e parent, dódes an tut. 24Ch'a fà disset: a l'é stait Josbecassa; con sò fieuj e frej, parent an tut. 25Ch'a fà disdeut: a l'é stait Anani; con sò fieuj e parent, dódes an tut. 26Ch'a fà disneuv: a l'é stait Malòti; con sò fieuj e parent, dódes an tut. 27Ch'a fà vint: a l'é stait Eliata; con sò fieuj e parent, dódes an tut. 28Ch'a fà vintun: a l'é stait Otir; con sò fieuj e parent, dódes an tut. 29Ch'a fà vintedoi: a l'é stait Ghidalti; con sò fieuj e parent, dódes an tut. 30Ch'a fà vintetre: a l'é stait Macasiòt; con sò fieuj e parent, dódes an tut. 31Ch'a fà vintequat: a l'é stait Romamtieser; con sò fieuj e parent, dódes an tut.