Gianfranco Baron/Litra d'amor

Artorn

---

Litra d'amor

Drinta an cassiòt ëd na veja scrivanìa
son venume për man en pòch bocionà
doi bijèt dël cìne 'd Salusse 'n galleria
ij testimoni 'd n'amor pa pì dësmentià.

Quarant' ani fà, m'arpòrta cola data,
a col temp mi i l'avìa pò pì che vint' an
en tël servel an girava cola veuja mata,
et trovè la dona dla vita për ël doman.

Coi bijèt dël cìne a j'ero la litra d'amor
tra na sena romantica e una apassionà
noi ij programavo 'l nòst contrat d'onor
mentre visin visin se strenzio 'n-namorà.

Le litre d'amor, a son diventà ij mëssagin,
m' as diran ancor ant j'orije, it veuj tan bin.