Gianfranco Baron/L'àutr Natal

Artorn

---

L'àutr Natal

Quand a-i é l'aria 'd festa
as sent ëd pì la nostalgìa
ëd coj ch'a son volate vìa
e j'arcòrd at giro 'n testa.

Ora, cole ànime seren-e
a fan festa ant ël paradis,
e a ti, l'é restate 'l cel gris
e 'l frèid drinta le ven-e.

Quand ël Natal as avzin-a
lus e cant at fan inghicio,
a son pì viv e a të smicio,
mach ël temp fà da meisin-a.

I l'hai gnente e sai pa përchè,
am ven na gran veuja 'd pioré.