Gemma Cattero/Val dla Tor

Artorn

Val dla Tor

Pais pasi e sugnant
che t’ arciame ij viandant
t’im conòsse?
Quand passavo un moment
argalandme ‘d toa pas,
ti ‘t ciomave lì al sol
it ësmiave aviseme
‘d fé pian
për lassete sugné
anvitadme a scotè
tò silensi.
Mi i pensavo…
un pais a veul dì
ògni stra, ògni pera, ògni fior
anche se ‘t ses lontan,
resta lì a speté
sò viandant che col dì
s’è fërmasse a vardelo
con un bàtit d’amor.
Spetme ancora
i tornrai...Val dla Tor!