Gemma Cattero/Val Susa

Artorn

Val Susa

L’è bel guardé vers ti
da l’aut ëd la montagna
e ‘ndvinete ‘nt lë scur
ëd na sèira stèilà.
S’arconòsso toe stra:
tanti ciairin an fila,
s’antravëddo toe ca:
citi lum ch’a splendrisso
parej ’d lusentele
ch’a danso ‘nt l’ambrunì,
quand che le vos amise
dij ciochè a s’arcòrdo
al son dl’ Ave Maria.
L’è bel sërchete,
con ël përfum dla tèra
cheuje ‘l parlé ‘d toa gent
conservelo ‘nt ël cheur,
ch’a-i resta sempre.