Gemma Cattero/I seve ‘d tròp

Artorn

I seve 'd tròp

Man duverte ch’a ciamo,
cite man ch’a farfojo,
sguard profond ch’a s’afacio
a la fnestra dël mond,
cheur ch’a bato e ch’a speto
ën bel dì ‘d ciamé “Mama”!
Ciamé nen, guardè nen,
speté nen, bate nen
përché ‘ l mond av veul nen!
Seve ‘d tròp !
Chi a l’ha vist ant un camp
sëmné ‘l gran e nen cheujlo ?
Chi a comanda
a la vita e a la mòrt?
Là, na mama ch’a piora:
soa cun-a a l’è veuida…
Sì, na mama nen degna
ëd ciamesse parèj!
Siviltà…