Gemma Cattero/Arcordand mé marì

Artorn

Arcordand mè marì

Bon pro!, piasì, eviva!
E ij doi bicer s’unisso
ant un basin ‘d cristal.
Drinta l’ancreus dle cope,
an trasparensa,
stisse ‘dosseur ch’a frisa,
golà ‘d piasì ch’a brusa,
gòj e dolor ëstagionà
ant la longa neuit dël temp
scura come ‘n misteri.
Ogni ann mi i të speto
come n’acòrdi d’ànime
ch’as treuvo
e ti ‘t ven-e puntual
a carësseme
come la prima sèira.
Lass-me posè mia testa
su toa spala,
come l’è bel parlete!…
Foma festa stassèira:
l’è ‘l nòstr aniversari…
brindoma ansema alé:
bon pro!Cin, cin! Piasì!
Ma tò bicer l’è pien
come mè cheur ch’at ciama
e at serca ant l’infinì.