22. Ateista

Ore, dòp un pòch, a son ancorzusse ch’a-i era cheidun che a-j vnisìa ancontra dë 'dnans an sla Stra. Alora Cristian a l’ha dije a sò amis: “Giù da là a-i é n’òm ch’a dà le spale a la Sità dël Cel e ch’an ven ancontra”.

Ore, dòp un pòch, a son ancorzusne ch’a-i era cheidun che a-j vnisìa ancontra dë 'dnans an sla Stra. Alora Cristian a l’ha dije a sò amis: “Giù da là a-i é n’òm ch’a dà le spale a la Sità dël Cel e ch’an ven ancontra”.

Sperante: “I lo vëddo. Foma atension, adess, për nen core l’arzigh che chiel-lì a sia n’àutr Flateur”. Parèj, l’òm a rivava sempe pì davzin e a la fin a l’é presentasse a lor. Sò nòm a l’era Ateista, e a l’ha ciamaje andova ch’a ‘ndasìo.

Cristian: “I andoma a la Sità dël Cel”. A cole paròle Ateista a l’é s-cionfà a rije.

Cristian: “Lòn ch’a veul dì toa rijada?”.

Ateista: “Mi i rijo mach a vëdde che d’òm ignorant ch’i seve - antraprende un viage tant stofios e vagné për vòst viage nen d’àutr che patiment”.

Cristian: “Përchè? Penses-to che nojàutri i saroma nen arseivù?”.

Ateista: “Arseivù? A-i è pa nen an cost mond ël pòst che vojàutri i seugne!”.

Cristian: “Vera, ma a-i é ant ël mond ch’a vnirà”.

Ateista: “Cand che mi i j’ero a ca an mè pais, i l’avìa bin sentù dël pòst dont ch’i parle. Parèj i son partì për sërchelo, e i l’hai sërcà costa Sità durant ij vint agn passà, ma për tut col temp i l’hai mai trovala!”.

Cristian: “Nojàutri doi i l’oma sentù ‘d costa Sità e i l’oma chërdù che ‘n pòst parèj a peul esse trovà!”.

Ateista: “Mi, cand ch’i j’era a ca mia, i l’avìa ‘dcò chërduje, dësnò i sarìa nen rivà a sta mira-sì për sërchela. S’a-i fussa stàita, contut, a costa mira i l’avrìa bin trovala, përchè mi i son andàit motobin pì da leugn che vojàutri. Sicoma ch’i l’hai nen trovala, mi i m’artorno a ca mia e i sërcrai ij piasì che antlora i l’avìa negame për la speransa van-a d’un mond a vnì”. Alora Cristian a l’ha dije a Sperante: “Penses-to che lòn che st’òm-sì a l’ha dit a sia vera?

Sperante: “Fà tension! Col-lì a l’é un dij flateur! Arcòrd-te ‘d lòn ch’a l’é costane na vira për avèj scotà un ëd coj tipo. Che? Gnun-a Sità dël Cel? L’om-ne pa vëddù dai Mont ëd le Delissie ‘l cancel ëd la Sità? Ore, i l’oma da marcé për Fej, bele se i la podoma ‘ncora nen vëdde^[1]. Andoma anans, për tëmma ch’a-i riva torna da nojàutri col òm con la sfërsa. Ti ’t l’avìe mostrame cola lession che adess mi t’arciamo a la memòria: ‘Mè car fieul! S’it chite dë scoté la dotrin-a bon-a, it vire la schin-a a la conossensa^[2]’. It diso, mè frel, sta nen a scoté col òm-lì, ma chërdoma për la salvëssa dj’ànime nòstre^[3]”.

Cristian: “Mè frel, mi i l’hai nen fate cola domanda përchè mi midem i l’avìa ‘d dubi sù cola vrità-lì, ma për butete a la preuva e për sente toa rëspòsta ‘d cheur. Për lòn ch’a riguarda cost òm-sì, i lo sai ch’a l’é stàit ësborgnà dal dio ‘d cost mond^[4]. Seguitoma a ‘ndé anans, sicoma ch’i savoma ch’i l’oma chërdù a la vrità, e che gnun-a busiardarìa a ven da la vrità^[5]”.

Sperante: “Adess im n’arlegro ant la speransa dla glòria ‘d Dé^[6]”.

Parèj a son ëslontanasse da Ateista, ma chiel, an seguitand a rije, a l’é tornass-ne a ca soa.

Nòte

↑ Cfr. 2 Corint 5:7 - “An efet, i vivoma për la fede, sensa podèj ancora vëdde”.
↑ Proverbi 19:27.
↑ Cfr. Ebreo 10:39 - “Nojàutri, nopà, i soma nen tanme coj ch’a viro le spale a Nosgnor e che për lòn a van a la përdission. Nojàutri i soma ij fedel, coj ch’a përsévero 'nt la Fej për la salvëssa ‘d nòstre ànime”.
↑ Cfr. 2 Corint 4:4 - “Sàtana, ch'a l'é 'l dio 'd cost mond, a l'ha sborgnà la ment ëd coj ch'a chërdo nen, parèj ch'a vëddo nen la lus gloriosa dla Bon-a Neuva e ch'a capìsso pa cost messagi riguard a la glòria dël Crist, ch'a l'é la rapresentassion precisa 'd Nosgnor”.
↑ 1 Gioann 2:21.
↑ Cfr. Roman 5:2 - “A l’é për sò mojen ch’an son ëstàite dovertà le pòrte a costa condission ëd grassia anté ch’i stoma bin ferm e adess i spetoma con fiusa e 'd gòj ël di ch’i pijeroma part a la glòria 'd Nosgnor”.

[1] Cfr. 2 Corint 5:7 - “An efet, i vivoma për la fede, sensa podèj ancora vëdde”.

[2] Proverbi 19:27.

[3] Cfr. Ebreo 10:39 - “Nojàutri, nopà, i soma nen tanme coj ch’a viro le spale a Nosgnor e che për lòn a van a la përdission. Nojàutri i soma ij fedel, coj ch’a përsévero 'nt la Fej për la salvëssa ‘d nòstre ànime”.

[4] Cfr. 2 Corint 4:4 - “Sàtana, ch'a l'é 'l dio 'd cost mond, a l'ha sborgnà la ment ëd coj ch'a chërdo nen, parèj ch'a vëddo nen la lus gloriosa dla Bon-a Neuva e ch'a capìsso pa cost messagi riguard a la glòria dël Crist, ch'a l'é la rapresentassion precisa 'd Nosgnor”.

[5] 1 Gioann 2:21.

[6] Cfr. Roman 5:2 - “A l’é për sò mojen ch’an son ëstàite dovertà le pòrte a costa condission ëd grassia anté ch’i stoma bin ferm e adess i spetoma con fiusa e 'd gòj ël di ch’i pijeroma part a la glòria 'd Nosgnor”.

[1]

[2]

[3]

[4]

[5]

[6]