Canson/Carolin-a ‘d Savòja

Da Wikisource.
Jump to navigation Jump to search

Artorn


Maria Carolina Savoia 1764 1782 bw.jpg

Carolin-a ‘d Savòja[modifiché]

Carolin-a ‘d Savòja, da Alfredo Nicola, Veje Canson Popolar Piemontèise, Ij Brandè, Turin, 1957 Da Alfredo Nicola, Veje Canson Popolar Piemontèise, Ij Brandè, Turin, 1957

1. La bela Carolin la veulo maridé (x3)
lo duca de Sassònia a-j veulo fé sposé.

2. Oh, s’a m’è bin pì car un pòver paisan,
che ‘l duca de Sassonia ch’a l’è tan lontan.

3. Un pòver paisan l’è pà dël vòst onor:
lo duca de Sassònia ch’a l’è un gran signor.

4. Oh, s’à m’è bin pì car un cavajer dla cort,
che ‘l duca de Sassònia ch’a l’è un gran signor.

5. Un cavalier dla cort l’è pa dël vòst onor;
lo duca de Sassònia ch’a l’è un gran signor.

6. Da giè ch’a l’è così, da già ch’a l’è destin,
faroma la girada tut antorn ‘d Torin.

7. Bondì, mè car papà, bondì, cara maman,
che mi vad an Sassònia ch’a l’è tan lontan.

8. Cara la mi cognà, përchè na piori tan?
Mi son venùa da ‘n Fransa ch’a l’è tan lontan.

9. Cara la mi cognà, voi sì venùa a Torin,
a casa di Savòja ch’a l’è un bel giardin!

10. Cara la mi cognà, tocheme un po’ la man,
cola che v’arcomando s’a l’è la mia maman.

11. Quand a n’in son rivà sul pont di là ‘d Versej,
n’a fa la dispartìa con ij so fratej.

12. Fratej, dei miei fratej, tocheme un po’ la man,
che mi vada n Sassònia ch’a l’è tan lontan.

13. Tocheme un po’ la man, amis, mè car amis,
l’è con la fior dël liri arvëdse an paradis.